top of page

Vullnet Mato: DASHURI HYJNORE



 


 

Do të dua ty,

gjer në përjetësi,

siç do dielli yjet,

që vërtiten rreth tij.

Do të dua,

pa tjetër të dytë,

sa zemra të rrahë

e syri të ketë dritë.

 

Do të dua,

si do lulet pranvera,

kur toka ngrohet 

e blerojnë dherat.

Do të dua tërë jetën,

pa asnjë kufi,

do të dua ty në botë,

dhe vetëm ty!

 

Do të dua buzët,

horizonte të përflakur,

që më ngrohin shpirtin

dhe në dimrin e akullt.

Do të dua nga flokët,

tek maja e thoit,

buzagazin që të ngjyros,

si pendët e palloit.

 

Nga ty s’më ndan,

asgjë e kësaj natyre,

as bubullimat,

as shirat e rrëmbyer.

Nuk më ndan

as vdekja mizore,

se vdekja e mëshiron,

dashurinë tonë hyjnore...

12 views0 comments

コメント


Shkrimet e fundit

fjalaelireloadinggif.gif
bottom of page