Vllasova Musta: PËRMALLIM

Në këtë mbrëmje buzë Liqenit

Mendimet rendin valë valë

Në qiell yje

Përballë Gjoli

Ti, i përhershëm

Kryefjalë.

Sapo më sheh, ti zbret nga reja

Si shpend i bardhë gjithë shkëlqim

Asgjë s'të ndal

Askush s'të mban

Ti, ëndrra ime

Në çdo zgjim.

Ti,

Dashuri e jetës sime

I paepur përmbi dallgë

Mbete diell,

Nuk venitesh

Të kam dritë

Dhe kryefjalë.

Pogradec, gusht 2024