Vladimir Muça: NJË KAPITULL I ENCIKLOPEDISË NË SHKENCËN MJEKSORE SHQIPTARE

      Si kirurg i mirënjohur, Bashkimin e kam njohur që në vitin 1974, ku me besim të plotë në shkencën e mjekësisë, në kushte fushore, me profesionalizëm të admirueshëm, kreu një operacion të komplikuar me një rezervist në batalionin sanitar të brigadës ushtarake të Durrësit.

      Njohje më të plotë të aftësive profesionale, dhe të kontributeve në shkencën humane të shëndetit mjekësorë, i mora përmes librit "40 VITE ME BISTURI” për të cilin jam ndaluar aq sa e përceptoj, pa pretendime të thella, në punën e kontributin e tijë, të dokumentuar me aq të vërteta përmes anamnezave, ndërhyrjeve kirurgjikale, e ndjekjes të terapive me përkushtim e profesionalizmin që e karakterizon.

      Sigurisht libri i parë dhe ky që po premovojmë ”HISTORIKU I SPITALËVE TË DURRËSIT”, blemi i dytë, janë një punë sistematike dokumentuese të faktëve e dokumentave gjithë pasion e përkushtim, si një kirurg i specializuar ortoped e pjesë e armatës të mjekëve durrsakë nër vite.

      Bashkimi siç e thotë dhe vetë, nuk vjen në këto dy libra si historian, por si bletarë dokumentesh të fakteve e dokumenteve mbushamendës, të strukturave spitalore ndër vite në qytetin e Durrësit.

      Në këtë vëllim të dytë Ai përmbylli një punë voluminoze, duke mbajtur zgjuar kujtesat historike, mbi aktivitetin e kujdesit shëndetësorë në qytetin e Durrësit. Në këtë mënyrë ai e vendosi në memorien kombëtare këtë shërbim,  si një dëshmi e një pune të palodhur ndër vite e shekuj.

Të dy librat mbi historinë e spitaleve të Durrësit dhe libri “40 vite me bisturi” janë një vlerë e çmuar, të cilët vinë si një kapitull i enciklopedisë shqiptare në shkencën e shërbimit shëndetësorë.

      Jo vetëm nga kolegët, me të cilët punoi me aq përkushtim, por dhe pacientët, qytetarët e Durrësit, e njohin Bashkim Habibin si një mjek të rrahur në punët më të vështira, i thjeshtë, i komunikueshëm në shoqëri. Shtëpie e Shkrimtarëve dhe Artistëve të Durrësi është e nderuar që në gjirin e sajë ka një vlerë të tillë intelektuale dhe shkencore.

      Detyrat e vogla, marrëdhëniet e sinqerta, përkushtimi, dashuria për pacientin krijuan portretin e një mjeku të suksesshëm, sukses të cilin ja përcjell lexuesve me këtë punë voluminoze të historisë spitalore në Durrës nër vite e shekuj.

      Ky rrugëtim i dytë i Bashkim Habibit është dhe një vlerë krenarie e një njeriu të përkushtuar, por dhe e gjithë krenarisë durrsake, sepse qenësia e njeriut të shumë përkushtuar Bashkim, është disi e veçantë, me fisnikërinë e tijë, duke na dhënë të gjithëve madhështi nga madhështia e punës së tijë,  me aq mund e vullnet të pazakontë.

      Profesionalizmi, humanizmi, puna e tijë kërkimore shkencore, në mendjet e durrsakëve do të qëndrojë si Kodër Vila, një orientues, sepse në punën  e tijë pati shumë dëshirë, shum dashuri për Durrësin, shumë përkushtim, si një hipokrat i vërtetë shqiptarë.

Durrës 12/9/2025.                                        Vladimir Muça