Valbona Ahmeti: NË NJË GUACË

Seç u shtanga para teje

Asnjë fjalë nuk e thashë

Flisnin sytë me gjuhën e zemrës

Shtigje mi vure dashurisë së paqtë

Gjithë ndriçim ëndrrat e mia

Oazë mrekullie sytë e tu

Unë pranë teje hodha shtat

Shpirtin thërrime e bëra për ty

Na përkëdhelën rrezet mrekulluar

Mblodhëm eliksirin e kësaj bote

Me shikimet flakëruar

Më mahniti buzëqeshja jote

Kaltërsive së bashku soditëm

Me nektar zemre e ndërtuam folenë

Himnin e jetës n’udhëtim e thurëm

Në një guacë të dy flemë