UJË PAK DHE UJË SHUMË...


Vullnet Mato

Vullnet Mato


UJË PAK DHE UJË SHUMË...


Ujë pak dhe ujë shumë,

qyteti thahet dhe mbytet në lumë.

Ujë i pijshëm dhe ujë i mbytshëm,

kur do burojë premtimi i arritshëm?

Qyteti i vërtetë, s’do fjalë sa një det,

s’do ekrane dhe fluturime mbi retë,

por shumë burime dhe kanalizime,

të bëhen çdo ditë, me planifikime.

Qelbet djersa e njeriut në verë,

si nuk ndodh në vende të tjerë.

Në dimër shtëpitë dhe orenditë,

hanë të gjithë paratë, në një ditë.

Më tej fusha, të mbjellat e bagëtia,

kur do sigurohet, kjo fshatarësia,

nga lumi dhe deti që sjellin retë,

të punojë e qetë, në prodhimin e vet?

Qielli hedh gjithmonë rrufe dhe shira,

nuk hedhin misër dhe grurë për zyra.

Retë hedhin përherë përrenj për rrugët,

nuk hedhin për njerëzit bukë e qumësht.

O zyrtarë qejfesh e qeveritarë sherri,

punët nuk i bën pula, lopa as derri,

shihni hallet që ka qyteti dhe katundi,

se vjen koha, t’u marrë dhe juve lumi!...


#vullnet #mato

6 views

Shkrimet e fundit