Të nderuar miq!
Në datën 20 Mars mbushi një vit që u nda nga jeta vëllai im Llambro Çipa. Kaluan një vit plot me dhimbje dhe fatkqsi, se ato erdhën rresht dhe në fund morrën edhe majën e nderit tonë, vëllain e madh Lefter Çipen. Me ju miq dhe të afërm që na undodhët pranë në këtë vit të vështirë dua ta ndaj dhimbjen nëpërmjet kësaj poezie homazh për tim vëlla Llambro Çipën.
Faleminderit.
Kristo Çipa
Nga Kristo Çipa “Mjeshtër i Madh”
Helm e lëmsh e mbushe motin
Që fle në sinor të mortit
O vëlla s’na i pe lotin
Pikon e djeg kraharorin.
Si eshka vajtimi ynë
Heshtur digjet se lag synë
Gjumi yt se gjen qetsinë
Se s’ka dheun tënd mbi shpinë
Thonë dhe malet shkojnë më pranë
Kur humb vëllai- vëllanë
Ne këtej e ti matanë
Tretej vallë se ne u thamë.
S’na u shkul lemza nga gryka
Ike ti pas Thoma Çipa
Lekes si ngrysej më dita
-Ika tek Thomai, ika!
Që ta pimë detin e vrerit
E përcollëm dhe Lefterin1
Dhamë trupin kemi nderin
Ditët shkojnë lartësojnë emrin.
U thinja o miq u thinja
Morra shumë thikë tek brinja
Si thika dhe vet u mpiva
Raki dhe cigare piva
1- Lefter Çipa “Nderi i Kombit”
