TRE POEZI
- Dec 16, 2020
- 1 min read
JETA
Jeta është mjaltë,
Ëndërr pambarim…
Kështu thonë të vdekurit
Të gjallët,
Asgjë s’dinë!?...
Po Hëna pse u çmend
Shkoi e puthi yllin?
Ç’faj bëri zogu
Që i dogjën pyllin?... Prill 2018
Ç’FAJ KAM UNË?
Ç’faj kam unë,
Që çupka bukuroshe
Erdhi e më bëri një me veten
Thellë në shpirt?.
Vdekja besoj, është errësirë,
Çupkat mbase
Do më bëjnë Behar,
Do më japin dritë
Edhe në varr…
2020 ATHINE
PUTHJA
Kur të putha ty,
Sikur putha Perëndinë!
Më duket Perëndisë iu bë qejfi,
Gjersa duke qeshur më tha:
Tani, shko e puthu
ME VDEKJEN!... 2020.
Faleminderit z.Athanasiu, faleminderit z. Gjergji, per komentetet. Suksese ne krijimtarine tuaj elitare.
Me shume respekt, Myslim Maska.
E thotë drejt z.Xing: Poeti hap "sëndukun" e zemrës e na rrëfen këto perla që të ngazëllejnë e rinojnë. Janë si tre ditë vere në dimrin e moshës së tretë.
Përqafime! Kozmai.
Xing.
Zbrazen sirtaret me perla të harruara, por poetike për t'u bashkuar nën dritën e diellit me krijime të reja: po aq të bukura, po aq të ndjera. Urime, autorit për kujdesin ndaj lexuesit që
të njihet me 'to./ Xing.