Teuta Sadiku: Xhepi i fëmijërisë

Xhepi i fëmijërisë

...dhe mjafton vetëm hëna

medalion  i varur në gjoksin e natës

dhe gjithshka bëhet e vogël sa një gogël,

 pa ngjyrë ,pa peshë,pa rëndësi .

Ti njeri  udhëtar shenjash ,

ëndrrambledhës

perandor dhe skllav i dashurisë

fëmi çamarrok akoma mbete.

Harrove kur e flake çëmçakëzin

e shkelën yjet dhe në qiell   u ngjit

çdo dëshirë.

Ndaj mos u mundo më kot

nga prehri t'ia shkulësh gjithësisë,

fëmijërinë.

Mos harro,

 vetëm rrugaçët dinë të bëjnë dashuri

pasi kanë thyer llampën e hënës me llastiqe

fshehur në xhepin e fëmijërisë!

Teuta Sadiku