SIKUR


SIKUR

Nga Fatmir Terziu

Sikur të zgjohej Bota.

Sikur … të ngrihej Penelopa

…. sikur?!

Të endnim pëlhurën e saj me gjarpërinjtë

në teh të dashurive

Fjala,

do të endte papushim edhe gratë

edhe vajzat

edhe bukuritë

edhe të larat e të palarat

dhe ne bashkë me stinët do të vrisnim dimrat,

ditë për ditë,

që të kishim mes nesh pandashëm

gjarpërinjtë.

STUKO

Më kot detyroj heshtjen të bëhet sinfoni e gjatë.

Më kot.

Fjalët janë si një mur i thatë

mbi shpatullat e fjalës peshojë e durimit

zbraz vetminë e ngjizjes,

e unë bëj stuko,

të mufas metodën e pritjes.

Pëlhurë endin gishtat e diellit

në miliona vite,

librave të Shenjtë

flasin për rrënjët e humanizmit,

dashuritë kanë dalë nudo në ankand

në pësëqind palë të lëkurës

e unë?! Vazhdoj të bëj stuko

për të rizgjuar leximin e turmës

e turma më sillet vërdallë

dhimbja është e bardhë – e gjatë

thjesht …thjesht STUKO.

31 views

Shkrimet e fundit