Sadet Dauti: Motrat Dauti, Shembulli i Suksesit Kombëtar dhe Ndërkombëtar

Tri Yje që Shkëlqejnë për Dibrën dhe Shqipërinë – Motrat Dauti, Shembulli i Suksesit Kombëtar dhe Ndërkombëtar

Në një kohë ku nevojiten modele të forta dhe të ndritura për rininë shqiptare, historia e -Relaksa, Redia dhe Alesia Dautit- është një tregues i vërtetë suksesi, sakrifice dhe përkushtimi.

Të tri këto motra, bijat e prindërve të nderuar - Naime dhe Azbi Dauti, janë më shumë sesa sportiste – ato janë ambasadore të denja të Shqipërisë, krenaria e Dibrës dhe një shembull i gjallë i asaj se çfarë mund të arrijë një familje kur qëndron bashkë dhe investon në arsim, sport dhe vlera njerëzore.

1.Relaksa Dauti – Nga Dibra në Gjysmëfinalen Botërore dhe drejt Olimpiadës.

Relaksa, e lindur më 2 tetor 2001 në Durrës, ka ndërtuar një karrierë që të frymëzon.

Arritja e saj në gjysmëfinalen e kampionatit botëror për moshat U18 ka qenë një nga sukseset më të mëdha në historinë e atletikës shqiptare për të rinjtë.

Kampione kombëtare për mbi 10 vite në garën 800m, fituese e shumë aktiviteteve ndërkombëtare dhe medaliste në kampionatet ballkanike dhe europiane – ajo është një emër tashmë i njohur në atletikën europiane.

Sukseset e saj në maratonat brenda vendit, medalja e artë në "Universiadën Botërore në Itali", si dhe përfshirja e saj në listën e pretendentëve për "Lojërat Olimpike në SHBA:, e vendosin Relaksën në një pozicion unik – ajo është jo vetëm shpresa e atletikës shqiptare, por edhe krenaria e saj.

Si trajnere personale e kualifikuar, ajo tashmë është bërë edhe një burim motivimi për brezat që vijnë.

2.Redia Dauti – Këmbëngulja që Thyen Kufijtë

E lindur më 25 janar 2004, Redia është po ashtu një kampione me arritje mbresëlënëse.

Me një renditje ndër 30 sportistet më të mira në botë për moshat U18, ajo ka thyer barrierat ndërkombëtare me talentin dhe disiplinën e saj.

Ka fituar tituj si nënkampione ballkani në 3000m me pengesa dhe 1500m, ka dominuar kampionatet kombëtare në shumë disiplina, dhe ka përfaqësuar Shqipërinë denjësisht në Europë dhe më gjerë.

Redia ka fituar edhe garat më të mëdha brenda vendit, përfshirë "Maratonën e Shkodrës dhe Triathlonin e Tiranës", duke treguar se është një sportiste e kompletuar.

E angazhuar në Universitetin e Sporteve, ajo është në rrugën e sigurt për të qenë një nga ikonat e ardhshme të atletikës shqiptare.

3.Alesia Dauti – E ardhmja që po shkëlqen që sot

E lindur më 21 qershor 2006, Alesia është më e reja, por nuk ka mbetur pas motrave të saj.

Kampione në garën 400m dhe në stafetat 4x100m e 4x400m, pjesëmarrëse në "kampionate europiane dhe botërore ", ajo shfaq një perspektivë të jashtëzakonshme për të ardhmen.

Pjesëmarrja e saj në "kampionatin botëror në Finlandë" ishte një tjetër dëshmi e nivelit të saj si sportiste ndërkombëtare.

Fitorja në shumë gara kombëtare i ka dhënë asaj një vend të rëndësishëm në elitën e sportit shqiptar, dhe shumë besojnë se Alesia do të jetë pjesë e ekipit olimpik shqiptar në të ardhmen e afërt.

***

Një Familje Model – Një Histori Frymëzimi Kombëtar.

Naime dhe Azbi Dauti nuk kanë rritur vetëm sportiste të suksesshme – ata kanë formuar karaktere të forta, të ndershme dhe të palodhura, që përfaqësojnë me dinjitet Shqipërinë kudo që shkojnë.

Në një vend ku shpeshherë vlerat harrohen, "familja Dauti është një fanar që ndriçon rrugën e duhur për rininë shqiptare".

Motrat Dauti janë krenaria e Dibrës – një trevë historikisht e pasur me burra dhe gra të shquara – dhe sot janë krenaria e gjithë Shqipërisë, sepse po mbajnë lart flamurin kuqezi në çdo pistë, çdo maratonë, çdo garë ndërkombëtare.

***

Pritshmëritë për të Ardhmen

Me përkushtimin që ato tregojnë çdo ditë, me mbështetjen e familjes, dhe me ndihmën që duhet t’iu vijë nga institucionet përkatëse, Relaksa, Redia dhe Alesia mund të bëhen faqja më e ndritur e atletikës shqiptare moderne.

Ato kanë potencialin për të marrë pjesë në Lojërat Olimpike, për të thyer rekorde dhe për të çuar Shqipërinë në podiume ndërkombëtare.

Urime nga zemra për Relaksën, Redian dhe Alesian!

Respekt dhe falënderim për prindërit e tyre Naime dhe Azbi!

Ju jeni frymëzim, krenari dhe model për çdo shqiptar!

Zoti ju bekoftë dhe ju dhëntë suksese edhe më të mëdha në vitet që vijnë!