Ruzhdi Gole: VIZITA IME

           E (para) FUNDIT

           Nga gjithë mjekët

            ndër ne, mbi tokë

               doktor Deti

       ndillet më i besueshmi,

       në papafingon e vrerët

                    atje lart

            s’e di ka shërbim

                  ambulator

            urgjencë e urolog

            por tash për tash

                       Detit 

                unë ia besoj

                     amanet

                  vizitën time

                të (para)fundit.

.

                      Deti ynë

                    vlon thellë

              cekët me dhimbjet

                  më të vërteta

          kur ne tek njeri – tjetri

         gulfe hutime të zëshme

                   begatohemi

                më shumë se dy

                  dhe më tepër

                   shprazemi

             mbi himet e gërhitjes,

                   shtatit ngricor

                     të sirenës

              kupës plot gjarpërinj

                      të farmacive.

                             Deti

                           ndillet

                    më i besueshmi,

                        vetëm atij

                           ia blatoj 

                            zëthin -

                    gjethin tim të fundit.