Ruzhdi Gole: TEJ CAKU

Si të verbërit ...

me gishta e me frymë

e gjej çelësin e shtëpisë

hap derën,

si të verbërit

e gjej dritën

çdo çelës.

Gjithandej dritësohet,

ndoshta terra

kërkon vetes

edhe pak 

cak,

po u vonua ajo

t'ik' prej mërzisë sime

të acartë dhe të ndjerë

mund të verbohem në gjak ...

Me gishta fryme gjej gjumin

fik dritën, çel sytë...

mbi trupin tënd

ku i lumnuemi

na jep syrin

kreshtën

e tij

pa gungë...

Përhera

pakëz dritë

na japin të verbërit,

drithërohemi për dritën

thellë dritojmë njeri-tjetrin.