Ruzhdi Gole: NGUSHËLLUESE

NGUSHËLLUESE

Qeshim veç qeshim

po përcjellim

të vdekurën

oh ç'gaz,

dikush

me dy fjalë

ngushëllon

tjetri

mosmbamendës

lexon një gishto letër

mua më duket sikur

ai i ve të ndjerës

vath në vesh

sikur i var

florinj

në qafë.

Një grua e re, më fanitet shpejt

nuse e padukshme, më bëhet

sikur sapo  shkund një qilim

fluturues me vet'lla pluhuri

përqark nesh aty, aty afër,

Shpendët e tezgjahut

fluturuan, na bën

menjëherë bisht

nga çudia huqe

gjersa çmeritur

ne gjer në kup'

të këtij qielli

gajaseshim

duke përcjell

diç dhimbsur

hiç ... të ngratën...

Rroftë u trashëgoftë

guximi i lajthitur,

ai përcjell gaz

buzagaz

atbotë

Njeriun !

Buz'gaz, sot, edhe dita

me cigare

në gisht.

Rroftë e qeshura në cingërima

flladitje ngush'lluese, asnjë

përlotje ngush'llim.!!

Qeshim qeshim

veç qeshim hidhur

po përcjellim të ndjerën

do donim që ajo të jetonte

mes nesh gjatë, shumë gjatë,

po përcjellim ditën ditën ditën

o njerëz, po përcjellim syrin tonë

jetën tonë, gjithçka, pa lajthitur çast.