Ruzhdi Gole: HARDHI DIELLORE

------------------------------                          

        (Mirush e Guljelm,

        Guljelm e Mirush.)

Ata nuk frymojnë më

të përkohshëm

erdhën ikën

si të tjerët,

valë-valë në breg

të qetë, të pabindur

në shumë brigje njëherësh.

Tani, zëri i tyre jeton tjetër tingull ...

herë asgjëje gjithçka

herë gjithçkaje

asgjë,

Guljejm Radoja

në verë pak dimërorë ndillen

diç të ngrohtë në dimër

ndarë përkrah

xixa, llohë

pakogjë.

Mirush Kabashi

E përkohshme

jeton vdekja e tyre

si përhera aq e përjetshme

afërlarg, dy pllambë këtu e dikund,

Mos b'zani njitash : ekrani ndrron

stinët me plot rreze përpjekje

ata janë bashkë rendje-etje

tek xhirimi i kësaj kohe

të vërtetë ... vërtet

dhe e rrejshme

hardhi diellore 

herë krisur

në zemër

në kryq.

Valë - valë në breg

shumë brigje njëherësh...

Ata ndoshta lanë kahera peng

verën për dimrin, për dimërimin

zjarrminë e tyre lanë tek të tjerët.

Hardhi diellore .... Krisur kryq e zemër...