Ruzhdi Gole: ETJ. ETJ.

ETJ.ETJ.

Agjensitë të ngrysura

ballë për ballë ...

bëjnë sikur

qajnë...

Agjensia

me një çift të rinj pëllumbash

flatrim lehtë krahët në kafaz

që duken më e freskëta

buqetë nga të gjitha

buqetat

është më e ndjeshmja?

Agjensia tjetër

e krismës faqedjegur

me sy të shqyer vetullçarë

me kyçin e thyer të këmbës

asnjëherë

me pendesa

është grabitqarja

e trillimeve të djegura ?

E vetmja agjensi, e vetmja

që mungon në qytet

e cila duhej ngritur

shumë më parë

nga të tjerat

duhet t'ishte

agjensia

që të varroste

veset njerëzore

thellë shumë thellë

pa taksë nga bashkia

hoxheprift nekro - buqeta.

Zi për veset nuk mbahet

nuk thuhet asnjë fjalë

ngushëlluese,

në degdisjen e tyre

vallëzohet

pa muzikë

funebër

mund të lejohen edhe minifundet.