Ruzhdi Gole: Dymbëdhjetë skica

Skica e parë.

Drejtshkrimin pa e parë

shkrova shpejt :

1 gisht 2025.

Gishti m'u  drithërua,

një verige fjalësh

voli në ajër.

N'ajër gishti shkroi fare lehtë :

1 gusht ... valavitje zjarrmi,

gjumë ariu rrufetë ...

Skica e dytë.

1.

Njeriu ... i këtushmi, tejmi,

toka plot re toka dhe ne

vraga - vraga rrudhuri

atje lart vetëm atje

me një pendë qe

i kaltëremi.

Mbarë gjithçka merrjani qiellit

jepjani tokës topolake ngrys

përmbys,

                përmbys,

                                 përmbys.

2.

Toka ... e dehur përdhe,

vraga - vraga resh

i kaltëremi lëron

me një pendë

ere të re.

Më i këtushëm po bëhet qielli

mëngjezor i ri i padukshëm,

toka afër, e përtejme

më rrallë topolake

shpesh e thukët.

Skica e tretë.

Mesnata shpejt u mbyll ndër njerëz,

ciflat e territ krahët shkundin

qytetit i bien butë në prehër.

Terri qetë shtrihet

urtë e më urtë,

Sytë ngadalë

i mbyll

gjumi

me nektar në buzë.

Bleta ëndërr

vetiu çel

zemër.

Skica 4.

Asnjë valë s'është e çalë

asnjë vreshtë

memec, 

dehemi për shkumën amë

gjethojmë (edhe) vyshkjen

në kokërr të rrufesë.

Skica 5.

Përvëlim 40 gradë,

qytet lëkurthari

xixa shumë

ujë guak.

Shalëgjati qen

rropullitë e rrugës

kafshon me lehje, therrmë.

Në tregun shamata të mesditës

monedhat rrudhen ofshajnë

vyshken gishtrinjtë.

Përvëlim 40 gradë,

gjethe zjarrmi

po na mbijnë

në kafkë.

Skica 6.

Alaskë...

Memece goja,

goja me rrasë.

Çlirohemi kur vetëm mbetemi,

çlirohemi shkronjë dhe letër ? -

Gjithçka lamë pas n'afrohet

ose na la verbër shurdhak

në ishullin e një tjetri

me zog në qiellzë.

Gjuha tret mardhjet...

i tret Alaskë ?

Dimri shkon ...

dimërimi

vjen

pas.

Skica 7.

Jeta plot perla të kthjellëta,

njeriu një perlë tek vetja

kuq skuq prarimesh

pak frushullon

pendesash.

Trazimeve ... perla gjepurash.

Skica 8.

Premtimi buit syth gjethëz

për t'u harlisur duhet

një krisnajë çudish

n'ajri jo në eshtër.

Krisma nuk duhet

krisma s’ka pakt,

i vetëtimthi prush

nga zemra të pihet

zemra tek buit e çilet

në vend t’pihet për gjak.

Premtimi syth

gjethëz buit

harliset fëmijërisht.

Skica 9.

Tri gra

burravdekur

e marrin ditën

si t'ju vij përkrah

pikë loti gaz feksur.

Për burrat e tyre beg bela

hir e hirtë lotojnë ikonat

më shumë se ato

më pak se ato

tri gra, vejusha zonja.

Skica 10.

Vala lëndoi brinjët në breg,

asnjë ofshamë, asnjë pikë loti

një re sa ia behu turbullt brengë.

Nga ç'degë ylli u k'put kjo re puplore

nga cila greminë e re ujore ia befi,

drita doli prej shkumës syth loti

rrezet syzuan fenera dore

për rendjet, rendësit.

Vala në breg  

nga qiejt lëndohet

përtërihet nga qiejt.

Skica e njëmbëdhjetë.

Trazohem

nga rrezja e vyshkët

nga shiu i ecjes thukët,

gëzohem nga zogu filolog,

zogut i jap mollëzat të shkruaj

s'm'i çukit, s'është grykës

zogut i marr

të butët

thonj.

Gjithandej hepohem

nga shiu i vyshkët                                

nga vreshti

i rrezes

lypës.

Skica e dymbëdhjetë.

Sytë, në ëndrra, vjelin fruta.

Pylli ëndërron pemë

më të larta, kafshë

më të buta.

Përreth

ëndërrojmë

ndez fik ndez fenerët,

të tjerët flejnë tek ne pa pupla

ne zgjohemi vetvetja

tek të tjerët...

Endrrat në sy shohim hyj...