Ruzhdi Gole:

Ruzhdi Gole

-----------------

JETË ... korr - ik ...

     (cikël poetik)

*

Jeta

përtërihet

nga pak tek të vetët,

përtërihet e gjitha pasjetë?

*

Jeto gjer në fund

çka të 'epet -

Prej vdekjes

ti mos u huto

hutoje vdekjen!

*

Vargmali më drithërues

 bubullonjës e i kthjellët

       ecën krah nesh

            çdo bote

               tjetër.

 *

Cifla zemërimi gjithandej

duhemi shumë më pak

nga ç'jemi dashur

më tepër

urrejmë...

*

Jeta në shoshë,

gropthi gropth,

në shoshë  e Vërteta...

Mos m'i digjni eshtrat, mos,

më digjni reflekset

e gënjeshtërta.

*

Jeta mban penë

jo pendë ...

Ndonjëherë e zënë ethet

nga pikëllimi i majave

nga rreshkja e etjeve.

Pikon lotin majë nxehur

kjo penë jete sipër

ku rrojmë poshtmi

poshtë ku rrojmë

sipër dheut.

Jeta mban penë

jo pendë...

*

Ngutem nuk ngutem

shpejt - ngadalë

jo i çalë mes

ritmeve,

tej riteve të reja të fundme...