RIMA PREJ BORE


Ahmet Prençi

E paqtë, e butë, e lehtë, e pafajshme

Mbuloi mëkatet në mal e në fushë,

Në borë s’ka frikë, mbi borë s’ka pritje,

Siç presin të dashuruarit puthjen në buzë.


E kam pritur borën si një ëndërr të mbrame

Me gushkuqët strukur nën hatulla e çati,

Nesër nëna ime s’do të veshë nallane

Por triko të leshtë, çizme e sargi.


E kam pritur borën si mikun te dera,

Që mollëzat e tokës enkas t’i zbardhë.

E çiltër kjo bora, si vajza ime Era

Eriona e mirë - e urta, borëbardhë.


E paqtë, e butë, e lehtë, e pafajshme

Shkrin në gjurmët e mia pastaj…

36 views0 comments

Shkrimet e fundit

fjalaelireloadinggif.gif