Rajmonda Qose Shkopi: Ora e fundit

Ti hesht për të më vrarë

 qindra thirrje përplasen kraharorit

ndezur si furnaltë,

Ndal !

Klith dhimbja që s'nxjerr zë

Lidhur me zinxhirë brenda mureve të gojës

qê me portë të hekurt ka mbyllur çdo shteg,

As ajri të mos depërtojë,

Asnjë grimcë shpresë,

Asnjë fije jetë.

Në perimetrin ku ne qëndrojmë,

ra nata që sterron,

Ora e fundit  shënon ding-dong.