Qyteti i besimit



    Elbasanit në ditët e sotme

    Qyteti i besimit

    (Elbasanit në ditët e sotme)

    Fatmir Terziu

    Ky është qyteti i besimit

    qyteti i përshpirtjes

    disiplina e familjes...

    ...vullneti i pastër vendimtar

    trokitja e paqme e takave në asfalt,

    senaja e blatuar në gjokset me ar,

    stërkalat me pak pluhur e baltë

    në mëngjesin e thekët gri...

    Të gjithë...

    prova më e mirë për ta bërë atë

    festivja e të gjitha simboleve të tij:

    mikpritje, kulturë, butësi, arsimim.

    Të gjithë ...

    pranojmë imitimin e kumurive

    që kënaqin kaldrëmet në rrugica të harruara

    pranë shtëpive të zbrazura të fqinjëve.

    Vetvetiu ...

    marrë çfarëdo që ka mbetur

    në rrugët e shtruara për të ecur i bekuar

    emrat e dyfishta të tyre

    të shtyjë ditën i lodhur duke menduar

    mbi plazmën e një kafeje të zhurmshme,

    deri në zbehjen e diellit.

    Ty të ndjek hija e dorëzonjës që nga fëmijëria

    në çdo vrap të lodhshëm

    tej Parkut “Rinia”.

    Nga larg është një Kurorë, një Krastë,

    një Shkumbin i gjatë.

    Ti vetëm një gonxhe që më ndez zjarr

    digjem pranë teje me dashuri të rallë.

    Të gjithë i përshëndesin shpirtrat e humbur,

    përtej zanatit, përtej takatit,

    ju shoh në sallën e Mbledhjeve të Bashkisë

    në zdrip të mandatit.


    #terziu #fatmir





    61 views

    Shkrimet e fundit