DY LIRIKA NGA MYSLIM MASKA
SOT…
Sot,
Putha çupkën më të bukur të botës!
(Duheshim gjithë jetën)…
Kur u ndamë të pikëlluar
Me dhimbje,
Ktheva kokën mbrapa:
As Mirazh, as Hije!
Ishte një Gënjeshtër.
-Po i bie pulsi, ulëriti doktoresha,
Isha duke vdekur… 6 – 5 – 2022, Athinë
QESH E VUAJ
Pse ma bëre shpirtin
Kaq rrëmujë
Dhe më flake, s’di se ku më flake
Dridhem përpëlitem
Qesh e vuaj
Mes dy varresh ku digjem mes flakëve.
Le të digjem
Le të bëhem hi,
E vetmja vdekje ku shkoj duke qeshur
Zor të gjesh në botë
Varre të tillë
Si dy gjinjtë e tu gonxhe paçelur.
