Përparim Hysi: Dashuria dimrin e kthen në behar

Cikli i 4-vargëshave të Përparim Hysit shquhet për spontanitet, humor erotik dhe një lirizëm të drejtpërdrejtë popullor. Poeti luan me kontraste (dimër–behar, prush–hi, moshë–dëshirë), duke e kthyer dashurinë në forcë jetike që sfidon kohën, normat dhe vetë plakjen. Gjuha bisedore, metaforat e guximshme dhe ironia e lehtë i japin poezive ritëm dhe afërsi me lexuesin, ndonëse herë-herë kufiri mes finesës poetike dhe shakasë provokuese bëhet i brishtë. Në tërësi, cikli përcjell një vitalitet të sinqertë dhe një filozofi jetësore ku dashuria mbetet antidoti më i fortë ndaj “vdekjes së gjatë”. (F. Terziu)

Përparim Hysi: Dashuria dimrin e kthen në behar

 (cikël me poezi 4-vargjesh)

Nga  Përparim   Hysi

1. Dashuria dimrin e kthen në behar

Ah,sa e bekuar qe ajo ditë dimri

Kur bashkë shkëmbyem puthjen e parë!

Si ta gjej prapë atë"llojdimri"

Kur dimrin na e ktheu në behar?

2.Tutje-t'hu

Tutje-t'hu.sikur ke punë

Po me sy pse sheh nga unë?

Tutje-t'hu,po dëng  me sy

Sa s'po plasin sytë e mi.

3.Mos m'u afro!

Mos m'u afro kaq afër,se më zë "korenti"

Bëjmë"lidhje të shkurtër,"biem në mass"

Nëmë  një të puthur,se nuk bëhet kiameti

Se ndryshe,moj mike, do plas.

4. Mosha e tretë

Dhe tani,në moshë të tretë

Ti seç ruan një zjarr të fshehtë

Zjarr të fshehtë,shihet në sy

Djeg më shumë prushi nën hi.

5.  Bie shi

Bie shi përjashta dhe mbeta brenda

Mezalla se dilet jashtë

Por ja te kalon ballëergjenda

Dhe shiu "pushoi" në çast.

6.  Të tëra

Të tëra i pashë dhe fare nuk u "nginja"

Më zuri "etja",më dhe gjinë ta "pija"

Më hipi fuqia dhe u bëra "dragua"

Pas"pirjes",dua "ngrënie"(e kam pa shaka)

7. Çfarë kërkoj?

Në prehërin tënd vura kokën(eh,ç'jastëk! Ç'jastëk!)

Poshtë prehërit ndjeva të"ngrohtën dhe kërkoj "jarallëk"

Se zuri më erdh "oreksi",sikur një dreq erdh e më trazoi

Aq shumë më pushtoi nepsi,po poshtë prehërit,çfarë kërkoj?!!!

8. Pse?

Pse më fut mua në"telashe"?

Moj  kurrize e barkjashte?

Pse kujton se jam prej guri?

Nuk ka vdekur tek unë,burri.

9. Zonja me tatuazh

Kurrizin "dac" dhe gjoksin jashtë

Mu në mes kurrizit goxha tatuazh

NJë figurë simbol,mbi të një shigjetë

A s'më thuaj,moj zonjë,a  ka faj  kush"vret"?!!!

10. Vdekje e gjatë dhe vdekje e shkurtër

Më së fundi,e zbulova:paska dhe vdekje të gjatë

Veç ata që s'dashurojnë,këtë vdekje  paskan fat

Seç lexova në një libër(qe e  mbushur me proverba)

Rri i qetë, o kokëthinjur! Ty s'do të zgjatë fare vdekja.

Tiranë,19 dhjetor 2025