top of page

PARFUM



1. FLIRTIM


Fatmir Terzu


Një cigare. Flirtim

me zhbirimin e tymit,

një cigare duhan si kadaif i grirë,

ka ngjizur ku palosen buzët e duhanpirësit

e unë që nuk e pi trazoj mendimet i ngrirë:


sytë, vetëm sytë

dritare e qelqtë që përpijnë

retë që i bëri mënxyrë

dhe, i mbarsi përfundimisht përsëri

me ç'motiv përhumbet në hapësirë,

apo për ndonjë flirtim të ri?


2. PRANVERË


Pluskojnë lulet,

poleni derdh mëkatin e vet,

kopshti ngazëllehet bletëza e quk;

e ngjiri zërin i riu lejlek,

lepurushja s'bëzan më pas shkurres së butë.



3. PARFUM


Gjurmoj në djersët shkumë

lëngun tënd që zbrazet si polifoni,

dhe fap,

mendja më gurgullon si lumë,

ti më rrëmben si një melodi

gati sa s'më vë në gjumë.


Përjetoj një botë pa zë,

nuk di ç'më ndodh tani,

udhëtoj njëmijë vjet më parë,

mos vallë dua, sekretin tënd ta di,

nga koha kur u shtrydhe si vaj?






26 views0 comments

Bình luận


Shkrimet e fundit

fjalaelireloadinggif.gif
bottom of page