Para Ardhjes


Faslli Haliti


POEZI

AH, SIKUR

O

O o

O o o

O o o o

O o o o o

O o o o o o

O o o o o o o o

O o o o o o o o o

O o o o o o o o o o

O o o o o o o o o o o

O o o o o o o o o o o o o

O o o o o o o o o o o o o o o

O o o o o o o o o o o o o o o o

O o o o o o o o o o o o o o o o o

O o o o o o o o o o o o o o o o o o

O o o o o o o o o o o o o o o o o o o

O o o o o o o o o o o o o o o o o o o o

O o o o o o o o o o o o o o o o o o o o o

O o o o o o o o o o o o o o o o o o o o o o 1...

Një Keops piramidë zerosh

Pambarim.

Ah!

Sikur

Të ish njëshi para zerove, në fillim

Ah sikur para zerove

Njëshi të ish!

Por njëshi në bisht të zerove është,mjerisht...

Shkurt 2014

LAJMËRIM VDEKJEJE

Vdekja

Vdiq.

Njerëzimi

U vesh në zi

Ngriti flamujt e zinj

Në gjysmë shtizë majëlisash

Ia nisi vajit,( o ç’vaj ish ai),

Mjerë ne

Si do ta mbajmë përjetësisht

Barren e jetës mbi shpinë

Mbi kurriz.

Dhjetor 2015

RËNKIMI IM

Si ti Baba Po rënkoj Dhe unë: Darkë, drekë, Mëngjes.në gjumë.

Por Si ti, baba, Vdekjen S’e thërras kurrë: Eja moj vdekje eja, eja Eja më merr, moj e bekuar…

Ti e doje vdekjen baba, Ajo s’të donte ty. Ajo

Më do mua

Unë as e dua

As e thërras atë Siç e thërrisje ti, Baba, Veç në më kërkoftë ajo mua, Unë vetë s’i hidhem asaj kurrë në krahë…!

Tetor 2015

BRITMAT

Politikani ,

Bërtet

Kundër

Politikanit

Pushtetari bërtet,

Ulurin, kacafytetet

Bën thirrje për rrëzimin e pushtetarit,

Për t’u ngjitur vetë në pozitë, në Pushtet.

***

Artisti

Propozon

Rrëzimin e famës së artistit

Poeti kërkon demaskimin e poetit

Për t’u ngjitur vetë në zenitin poetik

Që t’i marr kolegut famën,

Nobelin, lavdinë;

Kështu muzikanti

Kështu piktori

Kështu akuarelisti

Skulptori

Artisti

Kështu

Regjisori

Kryeministri

Kështu kryeparlamentari

Kështu prokurori, gjykatësi

Kështu oficeri

Politikani

Deputeti

Kështu Presidenti

Kështu edhe mbreti...

***

Britma

Ulurima

Kacafytjet

Për ngritje, zbritje,

Për rrëzim, lartësim

Për rrëzim, ngjitje në pushtet

Thirrje për ngjitje në majën më të lartë,

Atje ku kullon gjethja mjaltë.

Thirrje

Me breshëri

Për eleminim

Për zbritje, zbritje,

Për ikje, ikje ikje ikje...

Për ngjitje e zbritje, ngjitje e zbritje

Ngjitje me rëndesën e rëndë të gurit të Sizifit

Britma me shpejtësi drite:

Ik

Ik, ik,

Nano ik

Berisha ik,

Basha,

Ndoka

Rama ik, ik, ik, ik, ik...

Po habitet me ne Evropa, Bota, Kozmosi i gjithë...

Tetor 2016

REBELIMI YT

Për t’u takuar

Me atë

Që dashuron

Ti rrebelon me prindërit,

Për t’u takuar me mua,

Bëhesh pulë

Para

Prindërve

Zogjtë s’cicërijnë

Asnjë zog nuk këndon

Sepse ti do atë për të cilin

Ndaj prindërve të tu rebelon!

Janar, 1997

ZGJATJA E THONJVE

Ka një garë të rritjes së ngutshme, të padurueshme,

Të paturpshme dhe koloristike të thonjve

Kush e kush t’i rrisë sa më tepër thonjtë,

Kush e kush t’i ketë sa më të gjatë...

Kush e kush t’i pikturojë

Me manikyr,

Me llak.

Kurse unë, ti, ai

Ne i brejmë

Thonjtë

Tanë

Me dhëmbë

Sepse me ta ne s’kapim

Ndaj nuk na duhet

T’i mprehim

Me limë

S’ na duhet

Të kapim me ta as edhe një mizë në fluturim...

Kurse ju thonjtë...

I rrisni

I zgjasni

I lyeni me manikyr

I ngjyroni,i mbuloni

Që sa më të gjatë t’i rrisni thonjtë

Dhe me ta oborrin tuaj me petale floriri ta mbuloni.

Shkurt, 2014

TESTAMENT

Mos thoni për mua

Kur të vijë ajo ditë:

Sot

U shua, fik,

Sepse unë i shuar i fikur, isha...

Se mos më lanë ata mua të ndizesha!

22-23 gusht 2014

MËKATI I PRANVERËS

Pranverë sykaltër,

Pranverë me faqe të blerta,

Ti që zgjon nga gjumi letargjik

Barin,

Sythin,

Gjethin,

Lulet,

Blerimin.

Megjithatë,

Ti,sykaltra Pranverë,

Nuk harron as edhe një vit

Nuk harron qoftë edhe një herë

Të zgjosh nga gjumi dimëror letargjik

Edhe nepërkat, edhe shigjetullat, gjarpërinjtë...

Prill 2003

NE VDEKTARËT

Nëse ne plebenjtë e ferrit të tokës sonë,

Patricë të kaltërsive,

Galaktikave,

Yllësive,

Patricë të shpatullave,

Të shpinave tona,

Të krahëve

Tanë,

Plebej të ferrit,

Plebej të tokës nënë,

Por të pavdekshmit e Hadit.

Në Parajsën qiellore,

Jo ju patricët efemerë, fluidë,

Do të jeni qiellorët e të pavdekshëm,

Por vetëm ne plebejtë, vdekëtarët e kësaj toke,

Do bëhemi, e do të jemi të pavdekshmit. të përjetshëm...

Shtator, 2014

PUSHTETI

Mendimi

Pa pushtet,

Zog

Pa krahë

Pa ngjitje përpjetë,

Ecje rrafsh, horizontalisht

Këmbët s’kapin kurrë kuota, lartësish...!

11 maj 2015

IKJA E SHPIRTIT

M’u shemb zemra nga pesha e streseve.

M’u kalb zemra,

Shtëpia

E shpirtit,

Iku nga unë shpirti im,

Iku të shpëtojë kokën në një tjetër strehim...

Tetor, 2014

MBETËM GJALLË

Pimë ujë

Në kanaçe teneqeje,

Na zuri tetanosi.

Hëngrëm

Në tasa bakri,

U helmuam.

Na helmoi bakri

Me vrerin e tij gurkali.

Pimë ujë me grushte të kallajisur,

Hëngrëm bukë me duar të lara me vesë.

Dhe mbetëm gjallë, mbetëm gjallë një jetë...

Tetor, 2014

JETA

Jeta

Jetohet

Vetëm në këtë jetë

Në këtë çast,

Në këtë

Ditë.

Dhe ky çast, kjo ditë

Është sot pikërisht.

Dhjetor, 2012

LAHEM

Nuk

Lahem

Me dritë dielli,

Me rreze dhe dritë hëne

As me freski të qelqtë lulesh, vese,

Por lahem si në hamamet turke me avuj djerse!

Tetor, 2014

KRAHËGJATAT E FUSHËS

Krahëgjatat e fëmijërisë sime fushore

Krahëgjata të fushës sime stepore

Ju kam gjuajtur

Me llastiqe

Ju

kam vrarë

Ju kam vjedhur

Vezët natën nëpër fole

Të thurura kaçubeve me fije bari

Ju kam ndjekur

Me vrap, rrufe,

Fushave

Arave

Grunjërave

Vija natën t’ju kapja në fole.

Doja t’ju shkurtoja krahët e gjatë

T’ju bëja krahëshkurtra

Si shkurtëza

Por

As në tokë

As nëpër qiell

As nëpër fole natën s’ju kapa

Dhe s’kish sesi gjersa ju ishit krahëgjata.

Dhjetor, 2013

PLAS MOJ ZEMËR

Nëse rrëzohem një ditë,

Nga toka,

Mbi tokë,

Dhe jo nga lartësitë,

Sepse s’jam i lartësive

Dhe, s’do jem në përjetësi.

Gjemani kutinë e kuqe të zemrës,

Siç gjendet kutia e zezë e avionit të rrëzuar

Dhe hapeni,

Shikoni gjithçka timen

Të regjistruar brenda saj.

Shikoni të bardhat dhe të zezat e mia,

Veset dhe virtytet,

Të mirat

Dhe të këqijat

Verifikoni në të.

Do gjeni

Vallë

Të regjistruar aty

Më shumë urrejtje

Apo më shumë dashuri?,

2012

KUR M’U PRE FJALA Kur m’u pre Fjala, M’u përgjak Gjuha. Gjuha u vesh me të zeza.    Veshi fustanin e zi të heshtjes. M’u përlotën organet e mendimit, Në pellgje të zinj gjaku nis koha e pluskimit...

29 tetor 2014   

NUK MË SHEH ME SYRIN E MIKUT

«Nuk më sheh me syrin e mikut», o mik,

Gjersa më vë re

Të metat»

Çdo sekondë,

Çdo minutë, çdo ditë.

Me syrin e mikut

Të kam parë e të shoh edhe sot,

Sepse

Që të dy ne

Kemi mëkate, të meta plot...

Të mirat, virtytet, vlerat e tua,

Si laureshat unë

I lë të lira

Të fluturojnë qiejve,

Qiejve si lauresha ato unë i nis,

Kurse të metat e tua i mbyll si «brilante»

Në kasafortën time me kyç të florinjtë të miqësisë.

Korrik, 2014

PARAJA

I shëmtuar, unë ?

Paraja

Bukuria

Ime !

Injorant, unë ?

Paraja !

Dituria

Ime

Unë i marrë ?

Paraja

Mençuria

Ime!

Frikacak, unë?

Paraja!

Trimëria

Ime

Unë plak?

Paraja

Rinia

Ime!

Unë i pandershëm?

Paraja

Nderi

Im!

Unë i pabesë?

Paraja

Besa

Ime!

Unë i padrejtë?

Paraja!

Drejtësia

Ime

***

Dua të dënoj?

Prokuror

Paranë!

Dua të vras?

Killer

Paranë !

Më pëlqen misi i botës?

Misin më mis të botës

Më mis të kozmosit

Ma bije paraja

Ma sjell

Paraja!

Më kërkojnë duel?

Në duel

Nis

Paranë !

Dua të bredh botën?

Shaloj paranë

Hopa

Më mer

Paraja në krah

Mbështetuni tek Zoti ju po deshët, në Allah !

Janar, 1997

TROFEJA

Në luftë

S’pritet të të vijë ndonjë ftesë

S’pritet të bjerë ndonjë daulle, bori, trumbetë.

S’pritet kushtrimi për luftë, kushdo merr pjesë.

Në luftë

Mund të të marrë plumbi në ballë.

Në mos rënç hero,

Bie dëshmor

Nëse

S’bie dëshmor

Bie viktimë

Në mos rënç si viktimë

Do të biesh si luftëtar,

Do të biesh si trim,

Do të biesh

Si ushtar.

Në banket secili ftohet me ftesë.

Secili zë vendin si i ftuar.

Si i ftuar merr pjesë.

Në banket ulen edhe pijanecë, hajdutë

Zënë vend edhe dhelpra,

Spiuni dhe çakalli.

Nuk zënë vend

Që të gjithë

Heronjtë,

Trimat,

Luftëtarët,

Heronjtë, trimat luftëtarët, lëndimet, kanë trofe,

Heronjtë, trimat, luftëtarët hanë baltë

Atje në Had, atje nën dhè.

Për luftëtarin, trimin, ushtarin

Ka vetëm një trofe, një dekoratë

Ka vetëm një shpërblim.

Ka vetëm një gradë:

Famën?

Lavdinë?

Jo!

Ai

Ka famë;

Guximin,trimërinë.

Trimëria, guximi,

Nuk denjojnë të ulen kund,

Nuk zënë vend në asnjë banket

Po nuk qenë të ftuar

Po nuk patën

Ftesë ...!

Shkurt 2014

MË MUNGON NJË ENGJËLL

Në kopshtin zoologjik të zemrës

Kam gjithë

Tipat e Djajve,

Djajtë të gjithë,

Por më mungon

Vetëm një engjëll në zemër, në shpirt...

12 shtator, 2014

PARADOKS

Ti me sy të kaltër,

S’pe

As dritë ,

As dhe kaltërsi.

Kurse unë i verbri një jetë të tërë

Nuk pashë qoftë dhe një ditë errësirë me sy !

MË IKU MENDJA

Jam bariu,

Jam rojtari më i keq i botës.

Më iku mendja si dele e uritur

Me një uri të bardhë

Duke blegëritur

Be,

Be, be,

Në kërkim të një blerimi të ri,

Në kërkim të një meraje, kullote të re...

19 tetor 2014

EDHE PSE

Edhe pse

Dita

Me dritën e bardhë

Yjet i zhduk, i shuan,

I eklipson,

Unë s’i bëhem aleat errësirës.

Nata me xixëllime yjesh nuk më tundon!

25 shtator 2014

Ç’KUJTUAT JU

Më avulloi dielli ,

Më bëri avull

U zhduka

Kujtuat ?

Më ngriu,

Ngrica

Dimri

Më bëri borë

Më bëri akull,

Firova,

U zhuka kujtuat?

U ktheva në origjinë,

U ktheva në ujë përsëri,

Ç’e kujtuat ju transformimin tim

Zhdukje, vdekje

Pimëni, pra tani me etje… !

JUA ZUNË GOJËN ME BUKË

Politikanëve

Jua zunë gojën

Me bukë,

Gati

Një jetë,

Një jetë të tërë

Nuk përtypët më

Qoftë edhe një fjalë

Një fjalë sa një gjysmë kafshate

Fjala juaj

U myk,

Fjala juaj u tha

Si një copë bukë bajate !

Fjala juaj e mykur, nuk shtrohej më

As në tavolina mortore apo tavolinë dasme...!

Qershor 2016

TË KAPEN

Të kapen Peshqit e Mëdhenj!

Okej

Okej, okej,

Të kapen okej !

Okej sa më parë,

Okej sa më shpejt!

Po kush urdhëron kështu

Dhe kush duhet t’i kapë?

Unë peshku i vogël

Apo ti,

Peshk i Mdh?

Të kapen Peshqit

E Mëdhenj

Okej

Okej

Po

Kush

T’i kapë,

Peshku i madh e ha peshkun e vogël

Apo peshku i vogël ha peshkun e Madh ?

Shtator 2016

PYESIN

Pse e ndjek Tomi, Xherrin

Apo do që ta kapë ?

Po pse do

Që ta kapë?

Sepse Xherri është i vogël,

Dhe Tomi është i Madh?

Po kur Tomi e kap Xherrin

Dhe e shtrin përdhe,

Pse qeshni ju

Me Xherrin

Pse qeshni,

Pse ?

Pse qeshni me të?

Shtator 2016

SAN VALENTINO

Katëmbëdhjetë Shkurt 2017

Shën Valentino:

Sot ka

Përqafime

Përkëdhelira

Gjinjsh

Lodra buzësh

Fërkime kofshësh

Përqafime zemrash

Secila zemër kërkon zemrën

Secila zemër gjen zemrën e vet

Njëra gjen një zemër të bukur

Një zemrë të mençur, inteligjente

Tjetra një zemër më të dashur, fine.

Dikush kërkonn një gjysmë zemrën

Dikush zemërzezën,

Zemër gur,

Një tjetër zemrën pa zemër

Dikush zemrën që s’rreh,

Zemërën që s’ndien

Që s’regëtin

Që ngryset

Si Irisi që nxit mërinë,

Që s’rreh për zemrën e butë,

Që regëtin e rreh për zemërzezën që nxin

Që regëtin për urrejtjen dhe jo për dashurinë…

Nëntor 2016

SHOH

Shoh

Ata Që vjedhin,

Por jo ata që mbjellin!

Prill, 2011

S’PO SHOH ENDE

Dëgjoj të këndojnë

Gjelat

Mbi mur,

Mbi gardh

Për çdo natë,

Po dielli spo lind.

Dita e re ende s’po zbardhë ...!

Korrik, 2016

37 views1 comment

Shkrimet e fundit