PANAJOT BOLI: PASHË SOT...

NGA  PANAJOT  BOLI

     VJESHTA FTUA...

Vjeshta ime nuk ma tregon sekretin

Se si i po gatuasn ajo aromat merakli

Po më shkel syrin e më dëfton ftoin

Kjo të deh shpirtin...e di, zemër, e di

Ftonj kish zgjedhur edhe mamaja ime

Rrobat e mia të mbanin aromë për mua

Si ftua fillova ta endërroja edhe hënën

I shtova dhe një mbiemër vjeshtës: ftua

Vjeshtë flori  ishte kur rashë në dashuri

I zgjata me ndrojtje të dashurës një ftua

Ftoin që më kishte venë mamaja te çanta

      Foli aroma në buzët e saj: të dua.. të dua

PASHË  SOT...

Pashë sot diellin

Si një babagjysh tek u shperndante vogëlusheve

Shporta me endrra

Të lyera me dritë.

Mbi bluza të bardha

U ulen ca zogj bukurosh me ngjyra ylberi

Guximin e fluturimit

Erdhen t’u mësojnë

Mbi çatinë e shkollës

Qielli ,zbriti misterin  e sistemit  diellor

U tha të gjejnë sekretin

E rrugës për të Ylli Polar

Shtatori më bëri fëmijë

Me çantën basëm që më qepi mamaja vrapoja

Të zija një vend

Në vagonin e Pitër Panit

Qiell shtatori....

Me kaltërsinë e buzëqeshur e horizontin pa anë

Gati dalëndyshet

       Të nisen për fluturim