PANAJOT BOLI: ME HAMLETIN BËRA FJALË SOT

Po shthurret kjo botë,më thotë Hamleti,nuk e shikon?

E kundërshtoj unë , por ai s’më bëson e s’më bëson

Me Hamletin bëra fjalë sot

Fantazmën e babait ma verviste në sy

Kjo botë u shthurr,vajti për dreq

As unë,

As ti,

Nuk mund ta ndreq

Helmin e konfiskuan bankat

Arin e bënë helm vrastar

Pak pluhur kokaine i hodhen moralit

As unë,

As ti,

Nuk i shpetojmë djallit

Hoqen kurorat nga koka, modernë

Fronët i bënë elektronikë

Robotë të çmendur me dhembë kafsherie

As unë,

As ti,

Nuk i shpetojmë kësaj babëzie

Fre i hodha, s’e ndala këtë botë

Pushteti, djalli i zi shtron bankete

Sykuq, maniak i shfrenuar në intriga e orgji

As unë,

As ti,

Nuk e ndalim këtë çmenduri

E vranë dashurinë me vaj të djegur

Me levë berthamore përqeshin planetin

Hipokrizinë e pagëzuan liri,e vunë në pjedestal

As unë

As ti

Nuk mund ta ndal

Kjo botë pa frena ku vete?

Më thuaj, pa fjalë, pse mbete?

Ndaj thirra më zë të lartë

O botë e shthurrur , o dreq

Që linda unë të të ndreq

I çmendur u bëra, godita në mur

I pafat ngela,bota më keq u shthurr

....

E shoh në sy të vuajturin Hamlet

Kjo botë po shthurret .. dhe ka të drejtë