PANAJOT BOLI: KUR U FLAS NXËNËSVE PËR NAIMIN

NGA PANAJOT  BOLI

KUR U FLAS NXËNËSVE PËR NAIMIN

Tani, është pranverë...

Manushaqe të ndrojtura ngrohen në dsell

Në pllajën e vesuar të Frashërit

Mërmërijnë nën buzë

Vargjet e Naimit

Tani, është pranverë...

Në pllajën e vesuar të Frashërit

Manushaqe të ndrojtura ngrohen në diell

Mall afsh rigojnë

Në vargjet e Naimit

Tani, është pranverë...

Manushaqe të ndrojtura ngrohen në diell

Në pllajën e vesuar të Frashërit

Kryet ngrenë e buzëqeshin

Bukuroshet e Naimit

Tani, është pranverë...

Në pllajën e vesuar të Frashërit

Manushaqet të ndrojtura ngrohen në diell

Nga mërmërima ime, nxënësit

Picerojnë sytë e endërrojnë

Tani, është pranverë...

Manushaqe të ndrojtura ngrohen në diell

Në pllajën e vesuar të Frashërit

Nnxënësit e mi nga dritarja

      Manushaqet kërkojnë

RETË MË SOLLEN LOTËT E TUA

Tinëz,ca re më sollen lotet e tua në dritare

I bien tastjerës së xhamit të dhomës sime

Të zvenitura janë notat, plot me psheretima

Këngë funebre, monotone e me ca gulçime.

Më shkund nga supet në dremitjen e dhimbjes

Një flakërimë rrufeje: Ja, shiko dhe sytë e saj

Si në baladë,nga kali i bardhë ti zbret si nuse

Më iken si Neraidë kur dorën zgjas të të mbaj

Nata  e ftohtë i shton trishtimin këngës së shiu

 Si mbremjen që të nisi Jagoja,shtatë male larg

Një hingëllimë tremb vetminë e rrugicës vonë

 Kali i paduruar i Kostandinit  më pret në prag

ISH YLBERI, APO TI?

Pranvera sperkati sytë me sumbullat e shiut

Dielli i zbriti një ylber

Të fshijë fytyrën,

Dritëlerë

Ylberi u harhua pëmbi ballukët e malit

I puthi ballin e tij të gjerë

Dhe papritur më  trokiti

Si mik në derë

Më erdhi kaq pranë këtë pasdite prilli

Mos ish pritja e saj e paduruar

Me mallin shtatëngjyrësh

Henëharkuar?

Renda me gaz shumë ta marr prej dore

Të hyjë në oboorr, në prag

Ti  si lulja mos më prek

Më ikje larg

Të ndoqa

          në pllajë,

                    në lumë,

                              në perrua,

Ti si lozonjar

Luaje më mua

Nuk e di,

Ish ylberi, apo ti?

NË KOPSHTIN TIM...

Një kometë shfaqet papritur me vezullim

Me lule të bardha të dardhës

Në kopshtin tim

Një horizont i heshtur mistik në perendim

Ngjyen buzët me lulet e pjeshkës

Në kopshtin tim