PANAJOT BOLI: DERI KUR KËSHTU MA?

DERI KUR KËSHTU MA?

Ti sheh që ai shkel milingonën me këmbë

Dhe hesht...

..Nuk është e drejtë

Dhimbja shetit rrugëve e ti mospërfilljes nuk i flet

Prapë hesht..

..Nuk është e drejtë

Ti e ndjen se gjaku të zien kur të tallin diellin

Dhe prapë hesht..

..Nuk është e drejtë

Të rrembejnë gezimin nga sytë në mes të ditës

Dhe ti hesht...

..Nuk është e drejtë

Ti u flet me gjuhën e Arkimendit, ata të gjujnë me ushtë

Prapë ti hesht...

.. Nuk është e drejtë

Ti e kupton se symbyllazi t'i nderrojnë stinët të shkathëtit

Dhe prapë ti hesht..

..Nuk është e drejtë

Qesh si fëmijë kur sheh injorancën si Mbretin lakuriq

E prapë e prapë hesht...

..Nuk është e drejtë

Koha grindet me indiferencën

E heshtjen shkund prej supesh

Vargun e gjakosur të Migjenit ngre

Vargu famur

.Deri kur keshtu ma?

...Se bota është e jotja

NË ATË LIMAN...

Nata,si dado e urtë,shtroi shtratin për gjumë

Pa zhurmë shtriu dorën e uli çelsin e dritës

Edhe zogjtë zevzekë u rehatuan mbi pemë

Hëna tinëz i hodhi lumit,një pluhur mahnitës

Veterm lumi im,Bistrica nuk vë gjumë në sy

Vazhdon udhëtimin e seç murmurit me vete

Hënën e merr mbi supe,e bën varkë të bardhë

Në një liman të detit e çon,të thonë ca sekrete

Në varkën hënë hipa unë,dhe lumi nuk më pa

Me natën grindej    mos i pergonte ato sekretre

Sa të arrij në atë liman,fshehurazi do ta takoj

Ta mbys fort në përqafime e të zbusë ca siklete