NGA ASKUSH MOS PRIT

NGA ASKUSH MOS PRIT

Erdhe në jetë,

me dashuri

a rastësisht,

barrë për nënën

ndoshta

e tejngopur me fëmijë, shumëfish.

Por çuditërisht

s'e ndjeve

se katërcipërisht

me dashuri u mbulove.

Mendove

dhe ëndërrove

që në udhën e jetës

të tilla erëra

do të përjetoje.

Por jeta

ka planimetritë e veta:

të ngushton

të ndrydh

të prapson

të stopon

të ndalon.

Në s'luftove,

në s'kërkove

keqtrajtimit, ofendimit

shtypjes, poshtrimit

t'i bëhesh prit,

nga të tjerët

ndihmë mos prit!