![](https://static.wixstatic.com/media/a48dbc_2d94b79ddfc347f9978d5c762c30a3ab~mv2.png/v1/fill/w_49,h_39,al_c,q_85,usm_0.66_1.00_0.01,blur_2,enc_auto/a48dbc_2d94b79ddfc347f9978d5c762c30a3ab~mv2.png)
Nga Aleko Likaj
Është ndarë nga jeta gazetari dhe intelektuali i njohur i elbasanit Luan Narazani. Mbylli sytë në moshën tetëdhjetekatër vjeçare pas një sëmundje të rëndë në qytetin e Marsejës, ku jetonte familjarisht prej shumë vitesh..
Ka punuar si gazetar e redaktor në gazetat lokale të elbasanit, ''Shkumbini'' dhe ''Metalurgu''. Në këtë të fundit ka qenë kryeredaktori i saj që nga dita e themelimit, për më shumë se dy dekada. Luan Narazani është dalluar dhe i vlerësuar shumë me diplloma e medalje për profesionalizmin e tij në fushën e gazetarisë, nga Shoqata e Gazetarëve Profesionist të kohës, sidomos në sensin e kritikës dhe analizave në shkrime, duke ngritur probleme të qenësishme shoqërore për kohën në disa fusha, sidomos në ato të kujturës, të ekonomisë dhe financave. Pastaj është emëruar drejtor i institucionit në ''Teatrit Skampa'', ku dha kontributin në cilësinë e tij, veçanrisht në këto vitet e fundit deri në fillim të tranzicionit, me çmime të trupës artistike të teatrit dhe asaj të estradës.
![](https://static.wixstatic.com/media/a48dbc_31c82c14839340d28bb408724bc7a5fc~mv2.png/v1/fill/w_49,h_34,al_c,q_85,usm_0.66_1.00_0.01,blur_2,enc_auto/a48dbc_31c82c14839340d28bb408724bc7a5fc~mv2.png)
Ka gëzuar dhe gëzon respektin e qytetarëve të elbasanit, vëndi ku ka lindur dhe është rritur në një ambjent arsimdashës. Në rininë e tij ka punuar si mësues në zonat e Gramshit dhe të elbasanit.
Për ne kolegët e miqtë tij, ka qenë e mbetet një shëmbull i vërtetë dashurie e respekti i ndërsjelltë, i një njeriu që gjithmonë çmonte thjeshtësinë e sinqeritetin e gjithëkujt që ndeshte në jetë.
Ceremonia e fundit e përcjelljes organizohet në qytetin e Elbasanit.