Murtez Asllani: TE DENTISTI

TE DENTISTI

Shkova te dentisti,

kur pata dhimbje dhëmbi

ai më mirëpriti

paske dhëmb si shkëmbi!

Pastaj dentisti

dhëmbin ma kontrolloi

dhe shumë shpejt

dhimbjen ma ndaloi.

Ai më porositi

dhëmbët për t’i pastruar

është mirë për shëndetin

dhe ke për t’u gëzuar!

Njëherë në vit

te dentisti shkoni,

dhëmbët dhe shëndetin

ju ashtu e mbroni!

Dhëmbët sikur bora

dhe buzëqeshja e mirë,

ta shtojnë vullnetin

të jetosh me dëshirë.