Mihal Gjergji: NË BRIGJET E HIMARËS

"Vajzë e valëve"-pret e s'tretet

Se s'humbet, nuk thinjet kënga

Prapsen retë, e mali mbetet

Si një xhamadan pa mënga

Vetëtima shkrep në qafa

Zbret e puth brigjet e buta

Ç'melodi po luan harpa?

Flet me detin Neço Muka!

Flet me krisma Nase Labi

Nuk i thotë marshallit-"Lepe!"

Lidh e zgjidh ca pranga fati

Edhe zgjon këngët në djepe

"Ç'i tregojnë gjoksin dovletit"

Qajnë shqip, e shqip këndojnë

Këtu s'vlen’ ferman i mbretit

S'tunden malet, veç rënkojnë!

Himarë , Nëntor 2017