Mihal Gjergji: MOTIVE DIMËRORE

Bën ftohtë. Jam mysafir në fshat

Një natë të hidhur Shënëndreu

Krahëhapur del më pret një plak

Dhe mall dhe brenga m’i rrëfeu

Eshkë e uror' e gur strralli

Çibukun ndez, merr udhë mejtimi

Trungun e hilqes e tret zjarri

Oxhaku vjell shtëllunga tymi

Matanë konakut rrjedh një lumë

(Këtu, Orfeun t’a kenë vrarë?!)

Kjo natë e gjatë që s’bën dot gjumë

Derdh gjyma shiu si litar!

Ky plak i bardhë ringjall Mesinë

Dhe zonj’ e tij mban era ftua

Me zë të ëmbël, si violinë

Gjithçka më jep, asgjë nuk dua!

P.S: Në Kuç të Kurveleshit, Dhjetor 1986.