Mihal Gjergji: MALL…

I lutet zotit një qyqar:

-Zbrite një ëngjêll, të më marrë...

I lumtur? Mos! S'u ndjeva kurrë

Jetojmë dhe vdesim nën torturë

Dhe mbreti ka një hall, por s’flet

Lypsari ka një shpresë, dhe pret

Çdo zemër ka një plagë, që ther

Çdo humbje kthehet në humnerë

Kur s’ndjen pulëbardhën që këlthet

Harbohet deti dhe buçet

Mëton të mbyt dhe hënë dhe yje

E ç'mban përbrenda hedh mbi krye

Kafshon në brigje me rropamë

Rrëmben një nimfë e nxjerr një zanë

Është “Vajzë e valëve”, e gjora, pret

Një lajm a letër, mbeti shkretë

Dhe lot i vajzës detin krip

Xhindoset dallga, brengën mbyt...

Pikoj dhe unë një lot të valë

Dhe malli im e ka një mall...!  

(Himarë, Korrik 2018)