Mihal Gjergji: JEMI LARG

Mihal Gjergji:

JEMI LARG

(Nipit tim, Mondit)

Është trill a ëndërr, ngasje çmendurie

Që grish e zgjon kujtimin djaloshar!

Brilantet dashkan hone fshehtësie

Dhe s'dalin lart, as shiten nē pazar!

Nuk di se ç'ndodh, as dora nuk më bindet

Dhe fjalët më pengohen, s'di përse

Dhe zëri brenda vetes po më grindet

U prenë udhët, s'kam si vij atje...

Nuk munda dot, me daltën e mendimit

Të gdhend një shkronjë a lule si kujtim

Prandaj t'a nisa vellon e trishtimit

Dërgomë dhe ti nga larg një përqafim!

Mihal Gjergji me nipin e tij

Vlorë, Dhjetor 2017.