MEVLUD BUCI: SATIRA

SATIRA

1.Të urtëve,të mirëve –humane,

Sherrligu ua bën me gisht,

Provokatorët- shejtanë

Mashtrojnë e ta vënë një bisht…

2.

Lavdëronte burrin e saj përherë

Pas shpine ia dridhte syleshit

Gruas që hiqej plot nder

Një ditë i ra maska sheshit…

3.

Urime se e more pozitën

Sigurova pasuri,kredibilitet,

Fryve  zero meritën

Kur koha të siti e të nxori në shesh.

4.

Një shtetar i lartë në kupolë

Ka bërë e ç`nuk ka bërë,

Tani i shndërruar në molë

Gërryen një botë të tërë.

5.

Dikur e shante pa karar,

Tash si vemja iu ngjit

Pordhithikani  klysh e zuzar

Kurrë nuk ka me u korit…

6.

Zbraz për shokun helm

Pastaj  me të shkon te lokali,

Dhe ngre dolli si në jerm

Tri ditë zgjat skandali…

7.

Gruaja kalorës,gruaja kështjellë

Tha Sadiu i Persisë,

Gruaja-tha një shok- është pus i thellë

Që s`e shteron ujin e marrëzisë…

8.

Dërdëllistëin natë e ditë

(K)analistët nëpër ekrane,

Dërdëllitja e vetmja meritë

Rrjedh si llum nëpër kanale..

9.

Ata hiqen si bilbilat

Për karrierë ndërrojnë fletën

Njëri-tjetrit ia fusin bërrylat

Për të fryrë kuletën..

10.

Nëse ti kullon ar

Nga goja nxjerr veç mjaltë

Prapa teje sa tinzarë

Mundohen të të hedhin baltë…