Merita Kuçi: Ëndërr në Dhjetor

Ëndërr në Dhjetor

Nga Merita Kuçi

Vrenosur si det Dhjetori ndihem,

Si valë e zgjatur shtatbardhë,

Sytë dy qelqe, yje shuar,

Kur nata ul spirancën rregulltare.

Gëzoni, njerëz, nën çatitë tuaja,

Frymoni blu qyteti sa ju ngjan,

Detin e zemrës mos e mbytni,

Zjarrin kuqërremtë tek shëron plagë.

Errësira me jargavanin dyzuar,

E bën ëndrrën përbindësh pa breg,

Vlon kubeja blu zemërndezur,

Marinar i palumtur ndonjëherë.

Dhe fari përballë atij trazimi të thellë,

Dirigjon atë dallgë që dot s’e mbyt,

Kënga e valëve në mijëra perla,

Detin e Dhjetorit çon në perëndim!