Mentor Serjani: Vendi im

Nga Mentor Serjani

Vendi im,

Me frymëmarrje më mbush,

Me aromën e këndshme,

      Të trëndafilit,

Dhe shpirtin e gjoksin,

Ma ndezin prush,

Këngët e bukura,

Me violinën e bilbilit.

Më shumë lulet,

Vajzat i ndjejnë,

I bëjnë buqeta,

Dhe gjokset zbukurojnë,

Buzët dhe faqet,

Më shumë u shkëlqejnë ,

Dhe ngazëllehen e bukur lodrojnë.

Dridhjet e shpirtit,

                 Ëmbël më kumbojnë,

   Si një sinfoni,

Që vjen nga i madhi  qiell,

Më marrin,

       Dhe aq larg më fluturojnë,

Aq,larg,

Atje tek i madhi diell.

Pastaj,

   Poshtë e më poshtë më zbresin,

  Mes krojeve e korijeve,

  Në shelgje,

Bashkë me mbrëmjen,

               Po dhe mëngjesin ,

     Dhe më lënë ,

Në rrëmujën e ahengjeve.