Mentor Serjani: Poetja nga Konispoli

Nga Mentor Serjani. “Heshtja është si skica e mijëra metamorfozave.”

Yves BonnefoyUrime krijueses më të re,pse jo poetes më të re Anisa Xhaferi.Në qytetin e Sarandës është organizuar promovimi i librit të 16-vjeçares Anisa Xhaferi më 12/07/2025.Në këtë takim promovues folën për krijimtarinë e saj edhe kryetari i klubit të krijuesve jonian Hekuran Halili shkrimtari Pajtim Çaushi,drejtoresha e shkollës “Bido Sejko”të Konispolit Bukuri Braho etj,kjo shërben edhe si një nxitje dhe impulsim i mëtejshëm në rrugën e vështirë të artit.Në këtë takim ishte edhe një poet italian Xhuzepe Palumbo që e inkurajoi Anisën, si dhe poeti dhe përkthyesi Ilirjan Bahri, i cili premtoi se do t'i përkthejë disa poezi që i kishin pelqyer, në italisht..Edhe pse nuk e kam librin në dorë vetëm titulli më bën të jem tërësisht brenda tij dhe nuk mund të rri pa shprehur memdimin tim ,por njëkohësishtë dhe stimulimin moral e promovimin e kësaj autoreje të re ,për të vazhduar me ngulmë dhe kërkesë ndaj vetes në fushën e krijimtarisë letrare .Ka diçka magjike kur një zë i ri ngrihet për herë të parë në letërsi. Është një frymë e pastër që flet me sinqeritet, pa përpjekje për t’u dukur — por vetëm për tu kuptuar. Dhe kur ky zë vjen nga një vajzë 16-vjeçare, që kërkon veten nëpër vargje, atëherë përballë kemi më shumë se një libër: kemi një shpirt që flet në heshtje.Kjo poete i bashkohet kështu plejadës së autorëve të mëdhenj që kanë shkruar herët,një rast fatlum për të ,që do ti jap vendin e merituar në historinë e letërsisë.Kështu ajo do të jetë e rreshtuar krahas emrave më të mëdhenj të botës dhe të vëndit të saj,duke filluar që nga periudha klasike që është Sappfo”poetja e dashurisë”ajo e modernizmit Emily Dickinson,ajo moderne me Sylvia Plath,bashkëkohorja me Amanda Gorman për të vazhduar me ata shqiptarë si Migjeni,Agolli,Kadare,Luljeta lleshanaku ,MimozaAhmeti,Flora Brovina e shumë e shumë të tjerë

Me plot admirim e respekt uroj poeten e re 16-vjeçare nga Konispoli, për botimin e librit të parë të saj me poezi “Kërkoj veten në heshtje” ,ku vetëm në 16 vitet e para të saj arrin të ketë një pasqyrë mbi botën që e rrethon ,duke përthyer në vargje ndjesinë e saj mbi realitetet shqiptare dhe botërore. Në një moshë kaq të njomë, Anisa Xhaferi ka arritur të ngrejë zërin e shpirtit përmes vargut që prek, frymëzon dhe lë gjurmën e vet.Ashtu siç shkruam edhe mësuesi i letërsisë shkrimtari dhe poeti Panajot Boli në reportazhinn e tij :”E veçanta e promovimit të një libri” se : “Anisa është vetem 16 vjeçe.I është poetizuar shpirti shumë herët me një shpërthim të talentit, fantazisë dhe ndjeshmërisë. ““….Më emocionon kjo fillesë e saj    poetike, interesante, se ka brenda një përceptim ndiesor për shumë aspekte të jetës së përditshme,një pjekuri admiruese se si i trajton temat për moshën e saj. ““….Poezitë e saj    na thonë se është një lexuese e apasionuar dhe di    të marrë atë që i lë gjurmë    dhe ta përpunoj me fantazinë e saj kaq bukur.”.Në një botë ku shpesh mungon reflektimi i thellë, Ju ,vini si një dritë e re që na kujton fuqinë e fjalës dhe bukurinë e mendimit. Uroj që ky të jetë vetëm fillimi i një rruge të gjatë dhe të ndritur letrare. Frymëzimi yt le të shërbejë si një shembull për të gjithë të rinjtë që mbajnë brenda vetes një univers ndjenjash, por që ende nuk kanë gjetur guximin ta shprehin.

Suksese në çdo hap, e dashur poete! Zëri yt poetik tashmë ka filluar të dëgjohet — dhe jemi të sigurt që do të vazhdojë të jehojë gjatë.Ky libër nuk është thjesht një përmbledhje vargjesh mendoj unë,por një dritare në shpirtin e një vajze të re që guxon të kërkojë, të pyesë, të ndjejë dhe të flasë,qoftë edhe përmes heshtjes. Është një zë që lind me ndrojtje, por që mund të bëhet jehonë e brezave.Na kujtoni,se edhe në moshën më të re, njeriu mund të ketë një botë të pasur për të treguar – nëse e dëgjojmë me vëmendje.Urojmë që ky të jetë vetëm fillimi i një rruge të gjatë dhe të suksesshme në letërsi. Le të jetë “Kërkoj veten në heshtje” një gur themeli mbi të cilin ju të ngrini një univers poetik tuajinUrime dhe suksese pa fund!Vazhdo të shkruash, të frymëzosh dhe të kërkosh — edhe në heshtje, edhe me zë.Fjala jote ka filluar tashmë të bëjë udhëtimin e saj.Në kopertinën e fundit të këtij libri, janë shkruar vargjet e mëposhtëme :“Koha vjen e ikën,Ti s’e shikon,porsi era,ajo shpejt vrapon…”.Pak fjalë, shumë ndjesi. Këtu, koha është si era — një forcë që nuk shihet, por gjithmonë na prek.Nëpërmjet vargjeve të saj, Anisa Xhaferi nuk pretendon të japë përgjigje. Ajo thjesht pyet — dhe kjo është ndoshta fuqia më e madhe e një poeti të vërtetë. Këtu më vjen ndërmënd thënia e Bjelinksit se :”Poeti mendon me figura ,ai nuk vërteton të vërtetën ,por e tregon atë.”Me respekt dhe përzemërsi,Mentor Serjani Athinë më 13/07/2025