Mentor Serjani: MËRGOJE ZEMËRIMIN.

O njeri i mirë !Mërgoje zemërimin !

  Zëmrën dhe buzëqeshjen leri të lira ,

Largo brengat ,largo trishtimin ,

Merru me sjellje e punë të mira .

Kurrë bashkë nuk mund të rrinë,

Urrejtja e egër dhe dashuria,

Ato bashkë nuk mund ta pijnë gjinë,

Se nuk i lë  dhelpër xhelozia .

Në një shpirt të gjerë hyn vetëm një dashuri

  Nga një rrugë e padukshme ,e fshehtë,

Ajo rri me krenari e lumturi ,

Gjithmonë e freskët , gjithmonë e nxehtë

Lotët rreshjet e shpirtrave janë ,

Nga qiejt e vrenjtur të syve rrjedhin ,

Në çaste hidhërimi tjetër lot kanë

Në çaste gëzimi tjetër lot hedhin .

Në sy lindin paprerë vetëtimat ,

Që ndriçojnë e përflakin vetullat e ballin,

Pastaj uturijnë rëndë bubullimat ,

Mes hundësh e buzësh bëjnë tellallin .

Si një hoje e bardhë në koshere ,

 Që ka brënda aromë mjalti verdhoshe ,

Le të ftojmë dashurinë pranë zjarrit ,

Dhe të shijojmë një shegë majëhoshe.

Një shegë verdhakuqe të Elbasanit ,

 Kokërrmadhe , të shijshme sa s'ka më,

E kemi në baçen e Vardhanit ,

Në vjeshtën e artë e shijojmë atë .