Mentor Serjani: HËNA MË TË PERËNDUAR…

Mentor Serjani

Flokëdëndura kurorë,

Fllad i freskët dashurie                                                  

E bukur si luleborë ,

Moj krijesë perëndie !

Vjen me vello prej ylberi ,

Shtatë ngjyra zbukuruar,                                                   

 Faqebardha  si mermeri ,                                                     

Syri i ndezur ,i shkruar ,

Në mëngjes dalim të dy ,

Në lulishten e kopshtarit ,                                                   

Oh ,sa mirë ësht' aty ,

 Pranë bilbil këngëtarit  !

Përvëlohem ,digjem zjarr                                                 

Nga një ankth i paduruar,                                                   

 Pranë vetes të të marr

Të të hedh në kraharuar .

Një nat' të qetë me hënë,                                                    

Hënë plota e qershorit,

Hënë e bukur,e pangrënë,

Shijon si mes' i lakrorit .

Të dy gërshetat e Dezit ,

Një në gjoks e një në krah ,

Zbresin ëmbël afër mezit ,

Posi ngjyrat në tezgjah .

Takim'  i parë me sytë ,

Pastaj lehtë vete dora,

Vjen një er' e trëndafiltë,

 Më jep buzët se t’i mora !

Ëmbël-ëmbël ëndërrojmë,

Me sy mbyllur ,gjysmë zgjuar ,                                                

Dalngadalë vallëzojmë,                                                 

 Hëna më të perënduar!...