MBI BUZET E TUA

BAJAME HOXHA-ÇELIKU

MBI BUZET E TUA

Njoh buzëqeshjen e ngrirë mbi buzët e tua,

Si bryma që rrëshqet mbi lule dhe i than.

Po si nuk e ndjeja akullin në shpirt?

Si nuk e ndjeja dëborën që na ndan?

FRIKA

Ti më doje si fëmijë

Po unë s'i besoja askujt

Frika na brente në sy-

Mbajta frikën,

Të humba ty.

NË MËNGJES

Në mëngjes dua të kthehem,

Në mëngjes

Me përpëlitjen e zemrës si zog i therur

Dhe fustanin e ngjitur pas trupit, gjithë vesë.