PESE POEZI NGA MYSLIM MASKA
* * *
Kush m’i qendisi yjet
Gonxhe trëndafili…
Të çmendurit, ndoshta
Vetëm ata puthen dhe
Qajnë me zogjtë.
Zogjtë, që nga dhimbja, dhe dehja
Këndojnë këngët e bukurive njerëzore
Dhe qendisin yjet e shpirtit tim…
MACJA DHE QENI
Të braktisur,
Rronin bashkë tek Platia,
Për shumë vite…
Një ditë,
Befas macen e shtypi makina!
Askush s’desh t’ia dinte:
As policët, as makinat, as njerëzit!
Shkoi Qeni e kapi me dhëmbë në qafë
Dhe e solli në anë të Platisë.
Gërrmoi tokën me thonjë e me dhëmbë
Pasi e mbuloi
U shtri mbi të dhe nisi të qajë me kuisje siç qajnë qentë…
14- 12- 2017.
NUK E DIMË…
(PERSIATJE)
Nuk e dimë
Kush është më e bukur
DRITA apo ERRËSIRA!
Mbase,
E kanë Brenda njëra- tjetrën
Gjersa rrojmë dhe në dritë
Dhe në errësirë…
KUR…
Kur Hëna u puth marrëzisht
Me yllin më të bukur të universit…
Toka u çmend:
Ranë tërmete shtatë- tetë rihter
Në tre Kontinente…
2021, Athinë.
UNË E DI QË DRITA…
Kush janë më të bukur,
Të vdekurit apo të gjallët?
Qielli pikoi dhimbje
Dhe s’tha asnjë fjalë…
Ia thashë Valentinës
Më puthi në buzë,
Më të bukur jetën
Nuk e bëjmë dot kurrë!
25 janar 2018. Athinë.
