LIRIKA NGA MYSLIM MASKA

TOKA E KUQE

Aty ku linda,

Ka pakë tokë e shumë gurë...

Toka është e kuqe dhe gurët stërrallë!

Ndoshta nga kjo

Buisin lulkuqe

Ndoshta nga kjo

Në gjoks kam kaq yjarr...

Botim i hershëm në ZËRI I RINISË ose DRITA.

ISHA NË GJUMË

Ti shkelje mbi rreze hëne 

Lozje qeshje nëpër yje

Thashë: nuk është; çupkë nëne

Është bijë Perëndie

Dhe nata qe e lyer me hënë,

Kur zgjata duart që ta puth,

Veshur bota me argjend...

Fatkeqësisht isha në gjumë.

Në ëndërr

Kur të puttha,

U mrekullova,

Më bëre pak të verbër...

Kur u zgjova,

U tmerrova

Ti putheshe me një tjetër...

Më erdhe

Më erdhe, kur flija

Më puthe

Më perkëdhele 

Si kotelet e vogla...

Kur pashë që s' ishe ime shoqe

Më e bukur m' u duk bota....

Qeshi Universi...

Kur i puqëm buzët,

Qeshi universi

M'u zëmërua ZOTI

MË SHUMË SE UNË TË DESHI...