Qemal Rexhaj ,Kropisht Vlorë
KUJTIME PËR JETËN TIME
Do t’u tregoj me një këngë
Të gjitha vuajtjet e mia
S’më lanë të ngrihesh në këmbë
Më torturoi partia
Mbeta i vogël bonjak
Babai më la tre vjeç
Dhe dy vëllezërit mi vranë
Me nënën fatkeqe mbeç
Nëna po rriste jetimet
Me frikë e zemër në dorë
Pushteti vendimin mori
Shtëpin do e bënin shkollë
Babai na vdiq në burg
se nuk donte komunizmin
Ndaj dhe ne na torturuan
E vuajtëm shumë izolimin
U rrita vajta ushtar
Bëja tunel e kanale
U lirova nga ushtria
Me goditi gjëmë e madhe
Njezet e tre vjec ishkreti
pa ndihmuar asnjë çik
Prisja ndonjë ndihmë të vogël
Ata më shpallën armik
Familjen ma shkatrruan
fëlliqsirat e pa nder
Po unë qëndrova i fort
kryelartë e dhe me nder
Kur kujtojte jetën time
Ato vite të rinisë
Më ishte hequr liria
Me vendimin e partisë.
Se shijova shoqërinë
fshehuras më respektonin
Diktatura nuk i linte
kishin frikë e nuk guxonin
Këto vuajtje që tregova
Jo se ju nuk i dini
Po me këtë këngë u çmallova
Fatin tim të mos e kini
Qemal Hadëri me halle
Edhe nënën po kujtoj
Ishte me zemër të madhe
Respektin e madh gëzoi.
Qemal Hadër Rexhaj
Kropisht Vlorë 31 mars 2023
Shënim: Në një datë të tillë Ai sot ka mbushur 80 vjeç. Kjo mbetet një këngë vuajtje e birit të vendlindjes sime Kropisht Vlorë, shkruan Qatip Mara.
Ai, pra më 31 mars 2023 ka mbushur 80 vjeç dhe ka sfiduar diktaturën komuniste. Pas viteve 1990 ishte kryetar i pushtetit në Kropisht dhe drejtoi me shumë dashamirësi si demokratë me zemër të madhe. Edhe pse i kishin pushkatuar 2 vëllezër dhe babai i kishte vdekur në burg, nuk u tregua hakmarrës ndaj atyre që e kishin dënuar.
