Ku qëndron faji i ikjeve
Ikjet nga Atdheu, ikjet me të gjitha mënyrat nga shqiptarët, pasi ata janë ende si të njerkës në Europën që bëjnë pjesë prej ekzistencës, prej shekujsh, janë natyrisht ndryshe nga të Tjerët e këtij kontinenti. Nuk janë të ngjashëm ikjet sikurse i kanë bullgarët, polakët apo rumunët, edhe pse quhen emigrantë në BM. Disa herë në kohë të ndryshme, në rrjetet sociale kanë dalë mesazhe edhe kundër polakëve, rumunëve dhe bullgarëve, por jo si në rastin me shqiptarët.
Pas rezultateve të referendumit të Brexit në Britaninë e Madhe, bullgarët që jetonin në ishull flisnin për një valë të fortë negative kundër të gjithë emigrantëve dhe shpërndarje të materialeve ksenofobike. Pasi i tha jo Evropës së Bashkuar, Mbretëria e Bashkuar thuhej atëherë se po u thotë jo migrantëve. Bullgarët thoshin, se dëgjojnë gjithnjë e më shumë fyerje, tallje dhe thirrje që emigrantët të largohen nga vendi. Disa prej tyre lexojnë: “Stop emigracionit. Kthejini ata në atdheun e tyre”. "Po. Ne fituam. Dërgojini përsëri”.
“Kjo është Anglia. Të huajt kanë 48 orë për t'u larguar. Kush është i huaj këtu? Ndonjë i huaj?”. Këto janë vetëm disa nga mesazhet që haseshin në ueb. "Këto ndjenja kundër migrimit ekzistonin këtu, por tani atyre u është dhënë "carte blanche" nga njerëz që, për ta thënë më butë, nuk i pëlqejnë të huajt", thoshte atëherë Cvetelina Ananieva.
Familjet polake, të cilët ishin ndër emigrantët e parë në ishull, madje u zgjuan në agim me mesazhe kërcënuese në dyert e tyre. "Polakë, shkoni në shtëpi", "Jo më polakë". Madje shumica e tyre janë shkruar edhe në polonisht, gjë që ishte mjaft shqetësuese”, tha Tsvetelina Ananieva për Nova TV.
Në murin e tualetit të fëmijëve në shkollë, shfaqej atëherë një thirrje për një nxënëse "të kthehet në Rumani". Edhe një gazetar britanik është dëshmitar i thirrjeve të tilla në rrugë, ndërsa në rrjetet sociale u bëjnë thirrje emigrantëve që të mos flasin për politikë, për të mos acaruar problemin. “Isha në një qytet të vogël jashtë Nottingham. Më kanë quajtur “tradhtar”. Dhe ata bërtisnin: "Jashtë emigrantët". Nuk kam dëgjuar gjëra të tilla që nga vitet '70. Kur isha anëtare e një organizate që luftonte kundër ndjenjave neo-naziste”, tregon Anna Soubry, ish-Ministre e Biznesit të Vogël. Për Cvetelinën, shqetësimi më i madh ishte nëse do të gjejë një punë në ishull pas referendumit.
“Emigrantit këtu i ofrohet edhe më pak se paga minimale me fuqi punëtore me kualifikim të ulët. Për mendimin tim, Bullgaria është alternativa më e mirë, sesa të jetosh në pasiguri”, thotë Cvetelina. Ndjenja të ngjashme ndihen tashmë edhe në bizneset e ishullit. Kompanitë e mëdha britanike planifikojnë të ngrijnë punësimin pas referendumit, sipas një sondazhi me 10,000 kompani. Por tashmë gjërat kanë ndryshuar.
Gjithnjë e më pak bullgarë po ikin në Perëndim.
Pra tashmë, ritmi i emigrimit të bullgarëve në Evropën Perëndimore po ngadalësohet. Arsyeja për këtë është ulja e dallimeve në papunësi dhe të ardhurave mes Bullgarisë dhe vendeve të Perëndimit. Sikurse kuptohet tashmë diferencat në paga u ngushtuan dhe kjo kufizoi fluksin e emigrantëve.
Ky është një nga përfundimet kryesore në raportin e Institutit "Shoqëria e Hapur" - "Migrimi bullgar për motive punësimi: A kanë kuptim kufizimet në BE?".
Flukset e mëdha të emigracionit bullgar ndodhën gjatë krizës së rëndë të viteve 1990, kur Bullgaria nuk ishte ende anëtare e Bashkimit Evropian, theksojnë autorët e raportit. Megjithatë, në fund të viteve 1990, të ardhurat në Evropën Perëndimore ishin më shumë se 4 herë më të larta se në Bullgari, ndërsa një dekadë më vonë diferenca ishte zvogëluar në 2.5 herë.
Statistikat midis regjistrimeve të 1992 dhe 2001 tregojnë se rreth 220,000 qytetarë bullgarë emigruan gjatë asaj periudhe. Në periudhën 2001-2011, kur u bë regjistrimi i fundit i Institutit Kombëtar të Statistikave (IKSH), emigrantët ishin pak mbi 175,000 persona, sipas institutit. Rënia e emigracionit mesatar vjetor është 28% pavarësisht heqjes së kufizimeve të udhëtimit për qytetarët bullgarë në vendet e BE-së, thuhet gjithashtu në raport.
Pas vitit 2000, kryesisht gratë dolën jashtë vendit, të cilat kryenin punë me aftësi të ulëta dhe dërgonin deri në 40% të të ardhurave të tyre në Bullgari. Edhe pas anëtarësimit të vendit tonë në BE, tendenca që numri i emigrantëve femra të jetë më i madh është ruajtur, por edhe përqindja e familjeve që shkojnë jashtë vendit, tregojnë edhe të dhënat.
Vendet kryesore që pranojnë emigrantë bullgarë janë Spanja, Gjermania, Italia, Greqia dhe Britania e Madhe. Sektorët kryesorë të punësimit të emigrantëve bullgarë janë mikpritja, pastrimi, ndërtimi, tregtia, bujqësia. Pra tashmë dihet dhe kuptohet të paktën në Bullgari pos këtyre fakteve se ku qëndron faji i ikjeve. Nryshe në Shqipëri, edhe pse mediat, analistët dhe mjaft të tjerë mendojnë se në Shqipëri problemi i ikjeve ka faturë tjetër: korrupsioni, krimi, ekonomia, mungesa e vendeve të punës... e mjaft të tjera.
