Kristo Çipa: SI TESTAMENT…

Në mëndafsh rozë kur vjen agimi

Dhe sytë e malit lahen nga bora

Dua o miq, të më përcillni!

Shpirti të lahet në detet tona.

Një vaj i lehtë si fllad në Maj

Dua nga motra me zë të qaj.

Gjithë pasionet bëmni muzik!

Të luhen ëmbël udhëve të jetës

Bashkë me të dhimbja të ik

Të shkoj pa zhurmë e të gjej netët.

Dhe po më patën inat rrufetë

Pranë meje kollonë i dua djemtë!

Lule lëndine qofshin lëndimet!

Asnjë rënkim mos pastë xhani

Haroni miq gjithë lëvdimet!

Fryma të shkas si fletë jorgani.

Shpirti kur ikën në pastë spazma

Mbi kokën time të vijë vajza!

Avaze kënge si manushaqe

Vargje dhe strofa shtruar mëndafsh

Do të kërkoja një puthje faqe

Nga buzët e holla për epitaf

Dhe hëna kur të dalë mbi maja

Të lotoj heshtur syri i saja.

Kori kishtar në psalm ungjilli

Shokët e këngës në elegji

Ashtu i hapur të rijë syri

Bota të jetë në qetësi.

Dhe kur të gjithë të thonë:-U shua.!

Në këtë botë më kthen ,ti grua!