Kristo Çipa: KUR ZIHEN HËNËT

U zgjuan yjet kusarë

Nata u bë trëndafile

S’di sepse ndeze cigarë

Me flakë të dëshirës time?!

Flokët mbi supe ti hapa

Të kullonte dhimbjet nata.

Cigarja digjej në buzë

Buza flakët i përciell

Tymi rreth flokëve tërkuzë

Si kashtë e kumtrit në qiell.

Ti hapa flokët mbi supe

Të kërkonte buza, puthje.

Nata po tundej në erë

Ti mbi gjire drithëroje

Të zu një kollë e paprerë

Doje ëndjen ta lëndoje.

Përmbi gji ti ktheva flokët

Nga syri ti pija lotët.

U mbështetëm nën yje

Ti brenda gjoksit m’u fute

Aty n’ato zjarre, gdhije!

Botën do ta mbaj mbi supe

Dhe i fola natës ëmbël

-Zgjatu natë e bëju ëndër!