Kristo Çipa: FSHEHTAS MË SHKEL SYRIN NATA!

Sonte që verë pi bota

Unë në yje kërkoj gota

Me xixëllonja ti thyej

Në hënë mallin ta ngjyej

Në kashtë të Nunit mbështetem

Tek yll i shkarë do qepem

Hënën e vetme pa shoqe

E dua për jastëk koke

Gjoksi të mos më mbërdhijë

Afërdita le të vijë

Me grushte ta mbledhim vesën

Qiri në qiell ta ndezëm!

Kur portën Marsit ja hapa

Fshehtas syrin më shkel nata

Do përmendem në agim

Mbi lisat e fshatit tim.

Si mjegull mbi majë Qorre

Dua një këngë Vanove