JETA FLET





Fatmir Terziu


E tëra në anë të ndjesisë je ti

e këmbët të mbartin si pupël anembanë sikurse e di

sa nuk ndalet dot asnjë perëndim

për këtë ka vetëm udhë,

lindje, dashuri, mallëngjim

për këtë ekziston vetëm ti,

në këtë vrap të jetës je pjesa tjetër e veprës

deri tek buzët,

trupi, në brendësi,

këmbët që mbajnë këtë botë në ekuilibër,

pa puthje është thjesht një kapak,

në thelb nuk është më një libër

ka një trajektore që lëmon krahët e tu të zhveshur

ndërsa jeta vazhdon të jetohet e dehur

si pupël e shkulur nga lartësitë

zbulon flakët që mallkuan babilonasit

mbasi vrapi u ndal në këmbët e rrënjëve

se fatet njerëzore nuk lindin online

sikurse dihamat që mbushin rrjetet sociale

vetëm kur ndodh të tregohet nga vetë jeta

janë dashuritë që flasin

për prekje paturpësisht të vërteta…




30 views0 comments

Shkrimet e fundit